Despois de moitos anos de espera e queixas, os veciños de Meixigo puideron comprobar en 2018 como comezou a construción do ansiado local social que tanto necesitaba a parroquia, cinco anos despois e tras investir 55.764 euros, a ilusión converteuse en decepción.
Na actualidade teñen un local deteriorado, con plaquetas soltas e algunhas paredes astilladas, con uns servizos que non se poden usar, xa que non chega o sumidoiro. En canto aos terreos que rodean o local tampouco están mellor, un parque infantil con un chan areoso e inseguro para os estándares actuais, aos que pode aspirar un concello como Cambre, así como con un fácil acceso para os nenos a unha torre eléctrica e un fosa séptica próxima, que segundo os veciños e o Partido Popular, “parece que non ten a seguridade suficiente para este tipo de instalacións”.
O estado deste local é unha proba máis de que para o actual goberno municipal, formado por Unión por Cambre e o Partido Socialista, hai clases de parroquias e que despois de cinco anos dende a construción do local de Meixigo, “Non son capaces de garantir os servizos esenciais, nin de mantelo nas condicións adecuadas”, lamentan desde o PP.
“Todas as parroquias de Cambre, grandes e pequenas, deben ser tratadas por igual, cubrir as súas necesidades básicas, ademais de poder gozar dun local propio con todas as garantías para os veciños e dun parque seguro para os nenos, non hai parroquias de segunda”, sinala a candidata do Partido Popular, Diana Piñeiro.
